Do poprawnego działania strony wymagane jest włącznenie obsługi javascript. Zmień to w opcjach Twojej przeglądarki i odśwież stronę.
Òbarna diplomòwi robòtë na etnofilologie
wtorek, 7 lipca 2020

Dzys swój plac mia pierszô w latosym akademicczim rokù  òbarna diplomòwi robòtë na kaszëbsczi etnofilologie. Gracjan Fópka napisôł licencjat pòd czerënkã prof. GÙ, dr hab. Mareka Cëbùlsczégò pt. Swiat kaszëbsczégò gbùra przódë a dzys w zôpadnym dzélu dzysdniowi gminë Szemôłd. Pòzwë sparłãczoné z robòtą na gbùrstwie pòwszéchné pò I swiatowi wòjnie a pamiãc dzysdniowëch Kaszëbów z tëch starnów. W robòce wezwëskóné òstałë pòwiôstczi Gùsta Chrabkòwsczégò ze zbiérkù Jak jô béł bògati a jãzëkòwé badérowania prowadzoné bez sztudérã wëstrzód Kaszëbów w òkòlim zôpadnégò dzéla terôczasny gminë Szemôłd.

Barnienié robòtë prowadzoné bëło online dzãka aplikacje MS Teams przed egzaminową kòmisją pòd przédnictwa prof. GÙ, dr hab. Anetë Lewinsczi, direktora Institutu Filologie Pòlsczi. W kòmisje – òkróm przédnika – òbsadiwa mët recenzentka dr Justyna Pomierska, chtërna rzekła pò egzaminie hewò tak: "Gracjan jest czternastym absolwentem etnofilologii kaszubskiej. Cieszę się, że mimo trudności spowodowanych epidemią udało mu się zaplanowane badania w terenie przeprowadzić do końca, a potem – mimo utrudnionego dostępu do bibliotek – opisać zgromadzony materiał. To ciekawa praca! Nauczanie online, które prowadziliśmy na uniwersytecie przez ostatnie trzy miesiące i także ta dobiegająca końca sesja egzaminacyjna, także w całości przeprowadzana w warunkach zdalnych, udowodniły, że rozwój mediów i dostęp do internetu mogą wspomóc dydaktykę akademicką w stopniu, jakiego wcześniej nie braliśmy pod uwagę. Będziemy próbować wykorzystać to doświadczenie w przyszłości, a przede wszystkim w planowaniu programu studiów II stopnia etnofilologii kaszubskiej."

Żniwa so kùńczą, le czas ju meslëc ò nowim senim. Za sztót rëgnie rekrutacjô pòstãpnégò rocznika kaszëbsczi etnofilologie. Mdze dérowac do 24 zélnika.

Nen bédënk dlô maturańtów je latos bòkadny. Przédny sztudéra przede wszëtczim naùczi sã bëlno gadac a pisac w kaszëbsczim jãzëkù – le nót nadczidnąc, że to je blós spódk ny edukacje. Nôùka òpiérô sã na kùlturowim sztôłcenim m.jin. bez praktikã nôùczi jãzëka bùten ùczbòwni, w rozmajitégò ôrtu jinstitucjach. Filologiczné przedmiotë (taczé jak: nôùka ò jãzëkù, czëtanié a analiza lëteracczich dokazów sparłãczonô z prakticznym pisanim tekstów) òstałë dofùlowóné ò historiã Kaszëbów, Pòmòrzégò i Pòlsczi a do te jesz ò spódk wiédzë z zôkrãżégò spòlëznowëch nôùków: wiédza ò kùlturze, socjologiô, psychòlogiô a pedagógika dlô szkólnëch. Hewò dëcht takô prawie programa skłôdô sã na czësto apartny w skalë Pòlsczi czerënk sztudiów. Jich prakticzny profil oznôczô wielnotã aktiw fòrmòw robòtë: cwiczënków, warkòwniów a rozmajitëch zajmów bùten GÙ, w tim praktików w szkòłach abò jinstitucjach kùlturë. Sztudia rëchtëją do wëkònywaniégò warkù szkólnégò kaszëbsczégò jãzëka, ale – co wôżné – jesz do te pòlsczégò mët. Në i téż do robòtë w jinstitucjach Pòmòrzégò, chtërne sparłãczoné są z szerok zmërkóną kùlturą (gazétnik, òżiwca spòlëznowégò żëcégò, szkólny w dodomie kùlturë/mùzeùm, editor, kòréktor).

NAJNOWSZE ARTYKUŁY
© Copyright 2005 - 2020 Portal Regionalny kaszubi.pl
Wydawnictwo Zrzeszenia Kaszubsko-Pomorskiego
Projekt graficzny: Iselin
Webmaster: Łukasz Makurat
Strona korzysta z plików cookies w celu realizacji usług i zgodnie z Polityką Prywatności. Możesz określić warunki przechowywania lub dostępu do plików cookies w Twojej przeglądarce. Kliknij na to powiadomienie, aby je zamknąć.