Tekst, mùzyka, wëkònanié: KRÒ

Teledisk: Piotr Zatoń

W telediskù wëkòrzistóné są ùriwczi filmù „Historie w sieci zaplatane” – reż. Ewelina Karczewska-Luhm, òdjimczi Piotr Zatoń.

Piesniô „Gôdczi Mòrza” je dzélã projechtu „Do Mòrza”, jaczi béł zrëchtowóny bez Kaszëbskò-Pòmòrsczé Zrzeszenié a Radio Gdańsk.

Mòrze, co grajesz
Mòrze, co gôdôsz
Mòrze, co dajesz
Mòrze, co bierzesz…
Na Twòjim sztrądze
Jô dlô Rëbôka
Na szarim piôskù
Zapôlã widk…

Mòrze, co zybiesz
Mòrze, co wëjesz
Mòrze, co znobisz
Mòrze, co grzejesz…
Na Twòjim sztrądze
Jô dlô Rëbôczczi
Na zmòklim piôskù
Zapôlã widk…

Mòrze, co snijesz
Mòrze, co grzëmisz
Mòrze, co bijesz
Mòrze, co szëmisz…
Na Twòjim sztrądze
Jô dlô Mòrzanów
Na wieczné czasë
Zapôlã widk…