Do poprawnego działania strony wymagane jest włącznenie obsługi javascript. Zmień to w opcjach Twojej przeglądarki i odśwież stronę.
Radzëzna Kaszëbsczégò Jãzëka
sobota, 4 lipca 2020

W Mùzeùm Pismieniznë i Mùzyczi Kaszëbskò-Pòmòrsczi w Wejrowie òdbëło sã dwadniowé (2-3 lëpińca) zéńdzenié nôleżników Radzëznë Kaszëbsczégò Jãzëka.

Latos òbchôdómë 100. roczëznã zdënkù Pòlsczi z mòrzã i bez to prawie prowadną témą spòtkania bëło mòrze a téż jiné wiôldżi roczëznë i globalizacjô.

Przërëchtowóné òstałë referatë, co sã tikałë mòrsczich rzeklënów, mòrza w kaszëbsczi lëteraturzë, jegò farwów, a téż sanktuarium marijnégò Matczi Bòsczi w Swôrzewie i ji ùkòronowaniô na Królewą Mòrza. Czej przëszło do gôdczi ò rëbôkach i jich bëtnoscë w kaszëbsczi pòezji i piesniach, spiéwno wëbrzmiało "Rëbôcë, rëbôcë? Cëz wa tu robita"? Wôrt nadczidnąc, że pòwstaje "Kaszubski Leksykon Biograficzny", co gwës doczekô sã kaszëbsczégò i pòlsczégò ùjimniãcégò . "Letkò bez dëtka" na swiece nie je, tej i ò tim wôrt gadac. Pòd kùńc 2020 rokù bãdze szëkòwóny nowi biuletnim RJK z techniczną słowizną wëcygnioną m. jin. z wiôldżégò dokazu ks. Bernata Sëchtë pt. "Słownik gwar kaszubskich na tle kultury ludowej". KÙŃSZTownym jãzëkã ò tãcznëch òknach (witrażach) w kòscele w Gniewinie zakùńczëło sã brzadné zéńdzenié nôleżników Radzëznë Kaszëbsczégò Jãzëka.

NAJNOWSZE ARTYKUŁY
© Copyright 2005 - 2020 Portal Regionalny kaszubi.pl
Wydawnictwo Zrzeszenia Kaszubsko-Pomorskiego
Projekt graficzny: Iselin
Webmaster: Łukasz Makurat
Strona korzysta z plików cookies w celu realizacji usług i zgodnie z Polityką Prywatności. Możesz określić warunki przechowywania lub dostępu do plików cookies w Twojej przeglądarce. Kliknij na to powiadomienie, aby je zamknąć.